2009/1/26 فكرت ودورت وقعدت أبحث وابحث وابحث وكنت عايزه اعرف هي الناس بتدور زيي ولا في اجابه عندها لسؤالي؟
طب هو ايه اصلا سؤالك؟
اااه صح هو أنا ماقولتوش؟
لا ماقولتوش؟ سؤالي:
انا سمعت كتير عن إني لازم أكون دايما بارتقي بنفسي وارتقي بروحي وارتقي بمستوي تفكيري......أزاي بقي اعرف ارتقي بنفسي
يعني هو الواحد ممكن يعمل إيه عشان يرتقي ويوصل لمرحله مش قليله من السمو بصي ياستي خدي حكمه من اخوكي جوده:
لما اعرف ايه هي حياتي وايه الهدف منها هقدر احقق مستوي مش قليل من السمو. طيب اسمعي بقي راي الانسه هدي زي ماسمعتي راي جوده:
انا رأيي اني انا شخصيا لما بحب ارتقي بنفسي بقعد مع نفسي واكتشف ايه هي عيوبي وابتدي اصلح منها. اوعي اوعي اوعي هاني بيه وصل:
ازاي تتكلموا ف الموضوع ده من غير ماتعرفوا رأيى... خديه نصيحه مني.. ابتدي من علاقتك مع ربنا وشوفي شكلها عامل ازاي اديها المسمي الصح علاقه اب ببنته..يعنى علاقه حب بين اب وبنته...ولا علاقه خوف... لما تعرفي وتحددي علاقتك بربنا صح وتقوي العلاقه ديه تكون علاقه كلها قوة وحب هتفهمي اللي علي قلب ربنا ليكي وأؤكد لك انك هاتحققي قدر من السمو هاترضي عنه جدا؟ اسمعوني اسمعوووني.. خد الحكمه من فم بطوط العجيب:
لما في كل مرة تقفي فيها قدام ربنا وتقولي يارب انا محتاجه اعمل اللي علي قلبك ليّ
محتاجه يارب اعيش لمجدك ومحتاجه اكرمك وامجدك
وقتها بس هاتحسي بنمو في كل حياتك وسمو حقيقي ملموس. سوسنة مكرم |
