هل علينا هلال رمضان، و كعادتنا كعرب . ناس مضيافة و أهل كرم. نحب نرحب بضيوفنا و نستقبلهم كويس. و يظهر ان الحكاية دى مش بس مع الناس لكن حتى المواسم و الأعياد نحب نرحب بيها.
فلو نزلت الشارع قبل رمضان بيوم و لا اتنين تلاقىالشباب من نفسه عمال يعلق فى الزينة و ينور الأنوار والشوارع زحمه و المحلات فوانيس و ياميش و قطايف و مكسرات.
و دايما عم محمد قبل رمضان بكام يوم تلاقيه راح بانى فرن بلدى على الرصيف علشان يعمل كنافة و قطايف و جلاش .
و حتى الخضرية و الفكهانية ما بيعديش عليهم الاحتفال و دايما تلاقيهم رفعوا الأسعار و العملية بتبقى قايدة نار.
و لا وسائل الاعلام سواء راديو أو تليفزيون و لا القنوات الفضائية بتلاقيهم مهتمين جدا باستقبال رمضان ( أغانى و أفلام و مسلسلات و برامج و اعلانات. كله جديد فى جديد. ولا الفوازير و ألف ليلة و ليلة و مقلب الكاميرا الخفية ) ياه من امتى ما شفناش الكلام ده ؟
كلنا بنحتـفل لأن الموضوع عندنا كعرب ليه جذور اجتماعية و موروث ثقافى و عادات و تقاليد خا صة جدا.
و احنا كمان فى موقعكم " شبا ب فى شباب " عايزين نحتفل معاكم ، عندنا اخبار و تحقيقات و حوارات و فوازير و ألف ليله و ليله .
و علشان كده كل ما يقرص عليك الجوع أو العطش ادخل على الانترنت هتلاقينا مستنينك و قبل السحور لو خايف تروح عليك نومه تعلى اسهر معانا ، احنا فى انتظارك.
أسرة
شباب فى شباب |
