2009/1/26 ايه معني اني أسمو؟
وإزاي أحقق السمو؟
هل حياتي من وقت للتاني محتاجه لمرحله أعلي من السمو؟
وهل للسمو انواع؟
هل في مرة دورت علي وصفه سحريه بيها تسمو بنفسك؟
هل لما اوصل لمستوي معين من السمو هاقول كفايه انا استكفيت؟
في درجات من السمو؟
جربت تسال نفسك قبل كده اسئله زي ديه؟
الانسان في الدنيا ديه زي موج البحر بين شد وانجذاب عايز يحقق حاجات كتير وعنده طموح عايز يسمو ويرتقي دايما للأفضل طبعا عايز تسمو في كل حياتك اذن اقولك انك محتاج تعرف وتحدد انت عايز ايه من الدنيا ديه ولازم تعرف ايه هو الهدف الاساسي من وجودك في الحياه ديه
لو قدرت تجاوب علي السؤال ده اؤكدلك انك هاتعرف ترتقي جدا بحياتك
اه نسيت اقولك حاجة لو قدرت تجاوب علي السؤال ده صح محتاج لبعض الحاجات عشان كمان تسمو وترتقي
تكون في السر زي العلانيه وبكده هتتمتع بروح نقيه
محتاج تتعلم تدي اللي رفض يديك لما كان عنده
محتاج كمان تحب اللي غلط فيك واساء اليك
واهم من ده كل تطلب من رب السمو السامي فوق كل سامي ان يسمو بيك سوسنه مكرم |
